Новости Новости Беларуси

Губаревич призвал к проведению совместного митинга сторонников перемен

Губаревич призвал к проведению совместного митинга сторонников перемен

4417 просмотров Минск
Председатель Движения «За Свободу» Юрий Губаревич выступил с инициативой проведения совместного митинга, на котором белорусы смогут выразить несогласие с действиями властей во время избирательной кампании, и призвал объединиться под этой идеей других претендентов в президенты.

Палітык называе правядзенне мітынгу дэманстрацыяй нязгоды і дадае, што ў Беларусі працягвае разгортвацца брутальны сцэнар выбарчай кампаніі-2020. Сярод прыкладаў, па ягоным меркаванні, арышт і крымінальная справа супраць блогера Сяргея Ціханоўскага і яго прыхільнікаў, пераслед паплечнікаў Віктара Бабарыкі, знявагі супернікаў і пагрозы выбаршчыкам з боку кіраўніка краіны.

«Сотні тысяч беларусаў адкрыта выступілі за перамены падчас збору подпісаў. Яны абураны дзеяннямі Аляксандра Лукашэнкі і яго адміністрацыйнага і сілавога апарату. Людзі гатовыя выказаць свой пратэст супраць рэпрэсій і чарговага пераўтварэння выбараў у прызначэнне Лукашэнкі на яшчэ адно пяцігадовае кіраванне Беларуссю», - падкрэсліў Губарэвіч.

Ён нагадаў, што праз шэсць дзён, з завяршэннем этапа збору подпісаў, закончыцца і легальная магчымасць для выхаду людзей на вуліцы. Іншай формай пратэсту можа стаць мітынг прыхільнікаў альтэрнатыўных кандыдатаў, прыкладнымі датамі правядзення якога можа стаць час падачы заяваў на рэгістрацыю кандыдатаў і праверкі подпісаў грамадзян за іх вылучэнне (з 20 чэрвеня па 14 ліпеня).

«Заклікаю альтэрнатыўных кандыдатаў арганізаваць супольны мітынг, каб прыхільнікі перамен мелі магчымасць выказаць сваю нязгоду з тым бязмежжам, якое ўлады твораць падчас выбарчай кампаніі, і запатрабаваць сумленных выбараў. Я гатовы выступіць адным з заяўнікаў правядзення такога масавага мерапрыемства», - заявіў Губарэвіч.

Па ягоных словах, «дзясяткі тысячаў прыхільнікаў пераменаў у адным месцы, аб'яднаных адной мэтай, - гэта найлепшы адказ на прававое бязмежжа, якое робіць сённяшняя ўлада».

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Президентские выборы 2020

Последние новости