Новости Новости Беларуси

Результаты наблюдения подвели в Витебске участники кампании «Право выбора»

Результаты наблюдения подвели в Витебске участники кампании «Право выбора»

1097 просмотров Витебск
16 декабря в «Европейском клубе» прошла встреча витебских правозащитников и наблюдателей с представительницей секретариата компании «Право выбора», члена Совета Движения «За Свободу» Ольгой Быковский. Участники поделились своими выводами о парламентской кампании и высказали предложения на будущее.
Вольга Быкоўская адзначыла на пачатку сустрэчы, што перад наступнай выбарчай кампаніяй неабходная праца над памылкамі.

«Улада не гатовая змагацца законнымі мэтадамі»

Пачалі з фармаваньня выбарчых камісій. Вольга Быкоўская адзначыла, што пры адсутнасьці зьменаў у заканадаўстве спадзявацца на паўнавартаснае улучэньне апазыцыйных кандыдатаў у іх склад не выпадала. У Віцебскай вобласьці сябрамі камісій сталі адзінкі.

Падчас агітацыйнай кампаніі таксама было нямала перашкодаў для незалежных кандыдатаў: зьняцьце з рэгістрацыі з надуманых прычынаў, зрыў выступаў па тэлебачаньні. Улада асабліва палохалася заклікаў да імпічмэнту Лукашэнкі.

«Любыя згадкі пра Беларусь без Лукашэнкі выклікалі неверагодную рэакцыю. Выступ кандыдата ў дэпутаты Ўладімера Няпомняшчых з Гомля зьнялі толькі з прычыны яго заклікаў да зьмены ўлады праз імпічмэнт. Гэта сьведчыць пра тое, што ўлада не гатовая змагацца са сваімі апанэнтамі законнымі мэтадамі. Але ж ад апазыцыі натуральна чакаць заклікаў да зьмены ўлады! Імпічмэнт — гэта нармальны і законны варыянт», — казала Вольга Быкоўская.

Выступае Вольга Быкоўская

Паводле яе, на стадыі назіраньня пераважная колькасьць назіральнікаў, выдаленых з участкаў, былі сябрамі кампаніі «Права выбару». Іх назіраньне было актыўным і эфэктыўным. Яны фіксавалі парушэньні, таму кіраўніцтва камісій рэагавала жорстка.

Як паведаміла Быкоўская, агулам ва ўсёй Беларусі назіральнікі зафіксавалі 757 парушэньняў, сярод якіх — неналежнае захоўваньне скрыняў датэрміновага галасаваньня, прымус да ўдзелу ў датэрміновым галасаваньні, завышэньне колькасьці тых, хто галасаваў дома.

«Герой той, хто дайшоў да фінішу»

Віцебскі праваабаронца Павал Левінаў адзначыў, што ў якасьці адказу на ўдалую відэафіксацыю парушэньняў падчас выбараў, ЦВК можа прыняць рашэньне аб забароне назіральнікам мець пры сабе любыя сродкі відэа- і фотафіксацыі на выбарах прэзыдэнта.

«Галоўнай задачай назіральніка ўсё ж застаецца назіраньне за ўсім працэсам галасаваньня. Герой той, хто і зафіксаваў парушэньні, і дайшоў да фінішу», — зазначыў Павал Левінаў.

На 8-мі ўчастках назіральнікі прызналі выбары празрыстымі

Цынічнай і нахабнай назвала мінулую выбарчую кампанію Тацяна Севярынец. Прызналася, што такую ж ацэнку яна дала і на нядаўняй сустрэчы з кіраўніцтвам гораду.

Тацяна Севярынец назвала выбары цынічнымі

Тацяна Севярынец нагадала, што з аб’ектыўных прычын цалкам закрыць назіраньне ў Віцебску ўдалося толькі па адной акрузе. Але наогул назіраньне на ўчастках было якасным.

Але паведаміла, што на 8-мі ўчастках з 35-ці назіральнікі «Права выбару» засьведчылі «адкрытае і празрыстае галасаваньне», хаця і на тых участках выбарчыя камісіі пры падліку галасоў не лічылі кожны бюлетэнь асобна.

Як мяркуе ўдзельніца кампаніі назіраньня Ірына Трацякова, у гэтай сытуацыі мог спрацаваць псыхалягічны момант. «Некаторыя назіральнікі чамусьці думаюць, што калі пры падліку іх упершыню дапусьцілі да стала і яны пабачылі птушачку ў бюлетэні, то гэта і ёсьць адкрыта і галосна», — сказала Трацякова.

Патрэбны дапаможнік для назіральнікаў

Падчас дыскусіі Павал Левінаў выказаў шмат прапановаў аб паляпшэньні назіраньня за выбарамі. Сярод іншага, заахвоціў больш эфэктыўна карыстацца досьведам назіральнікаў у канфліктных сытуацыях. Праваабаронца лічыць, што патрэбны дапаможнік, у якім такія сытуацыі былі б змадэляваныя, і назіральнік разумеў бы, як сябе паводзіць.

Выступае Павал Левінаў

Эмацыйным быў выступ Алены Янушкоўскай. Яна ня першы раз удзельнічае ў назіраньні, але нават у яе сёлетняя кампанія выклікала шок. Актывістку вельмі абурае той факт, што пададзеныя назіральнікамі скаргі з зафіксаванымі парушэньнямі ігнаруюцца ўладамі, ня маюць аніякай законнай сілы і не ўплываюць на хаду выбараў.


Падсумоўваючы, Вольга Быкоўская паабяцала, што пададзеныя ўдзельнікамі сустрэчы прапановы будуць прааналізаваныя і па магчымасьці скарыстаныя ў наступных выбарчых кампаніях.

С. Горкі

Источник: vitebskspring.org

Комментарии посетителей

Имя: не обязательно
E-mail: не обязательно
Комментарий:
  • #1005 07.01.2020 14:39 @ finance.micro1@gmail.com

    Вам трэба тэрмінова аплачваць рахункі, калі вы звяртаецеся

    нам для атрымання дадатковай інфармацыі па электроннай пошце: finance.micro1@gmail.com

    з інфармацыяй аб дзьме

    Імя і прозвішча:

    краіна:

    Неабходная сума крэдыту:

    Працягласць пазыкі:

    тэлефон:

    мабільны тэлефон:

Право выбора

Последние новости