Новости Новости Беларуси

«Деясловцы» встретились с литераторами Орши и Шклова

«Деясловцы» встретились с литераторами Орши и Шклова

1307 просмотров Орша
В Орше прошла встреча редакции журнала «Дзяслоў» с литераторами и общественными активистами.

У горад на Дняпры прыехала прадстаўнічая дэлегацыя: празаік, старшыня ГА «Саюз беларускіх пісьменнікаў», галоўны рэдактар часопіса «Дзеяслоў» Барыс Пятровіч, першы намеснік старшыні СБП, намеснік галоўнага рэдактара часопіса «Дзеяслоў» Алесь Пашкевіч, намеснік старшыні СБП, паэт Усевалад Сцебурака, літаратуразнаўца, прэс-сакратар СБП Ціхан Чарнякевіч.

На сустрэчу ў гатэлі «Орша» сабралося каля трох дзясяткаў гледачоў, прычым многія з іх ехалі здалёк — цэлая дэлегацыя са Шклова на чале з магілёўскім абласным каардынатарам Пётрам Мігурскім прыбыла на запрашэнне аршанскага прадстаўніка ТБМ і Руха «За Свабоду» Юрыя Нагорнага.

Госці распавялі пра новы, юбілейны 100-ты нумар «Дзеяслова», які пабачыць свет неўзабаве, а таксама перадалі ў падарунак кнігі серыі СБП «Кнігарня пісьменніка» і нумары часопіса за мінулыя гады. У межах імпрэзы адбылася віктарына, прысвечаная «Дзеяслову» і імправізаваныя літаратурныя чытанні.

Прэс-служба ГА «Саюз беларускіх пісьменнікаў»

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости