Новости Новости Беларуси

Власти Слонима после реакции людей сделают граффити о родном языке на белорусском

Власти Слонима после реакции людей сделают граффити о родном языке на белорусском

2198 просмотров Слоним
В Слониме готовятся ко Дню белорусской письменности, к которому рисуют граффити с русской надписью. Однако после реакции людей передумали. Член Движения «За Свободу» Алексей Дужий написал в местную администрацию электронное обращение.

Свята мае адбыцца ў верасні. Графіці будзе на сцяне дома па вуліцы Чырвонаармейскай вырашылі намаляваць гіганцкае графіці — тэатр Міхаіла Клеафаса Агінскага, паведамляе «Наша ніва». Пасля рэакцыі мясцовыя ўлады вырашылі падпісаць яго па-беларуску.

«Пераробім, бо гэта ўсё ж Дзень беларускага пісьменства. Мы вырашылі прыслухацца да людзей — чыталі водгукі ў сацыяльных сетках, маніторылі», — патлумачыла намесніца начальніка ўпраўлення ідэалогіі Слонімскага райвыканкама Наталля Ганчарук.

Адзін з тых, хто звярнуўся да ўладаў быў Дужы.

«Слонім вельмі прыгожы горад, вельмі гістарычны! Асабліва прыемна ведаць, што ў гэтым годзе ў Слоніме будзе праводзіцца Дзень беларускага пісьменства. Аднак адзін факт падрыхтоўкі сапсуе ўвесь смак гэтага мерапрыемства. Графіці, ці як кажуць, мурал, з выяваю тэатра Міхала Клефаса Агінскага падпісваецца на рускай мове», — адзначыў сябра Руху.

Ён нагадаў, што Міхал Клеафас Агінскі, не расіянін, ён з гродзенскай вобласці, удзельнічаў у паўстанні Касцюшкі, а таксама спытаўся пра раўнапраўе моваў.

«Калі проста зірнуць навокал-колькі надпісаў на беларускай мове налічыце і колькі на рускай? Не 50 на 50 дакладна. Спрэс руская мова! Вось і раўнапраўе. Дык чаму мова беларусаў выцясняецца? Не рабіце яшчэ адзін крок, калі ласка, у бок русіфікацыі — замяніце тэкст на графіці на беларускую мову», — заключыў Аляксей Дужы.

Рэакцыю слонімскіх уладаў актывіст ацэньвае станоўча і называе разумным. «Я звярнуўся, таму што мне неабыякава да сітуацыі з беларускай мовай у краіне. Калі ў нашых суседзяў ўкраінцаў мова ў пашане, то ў нас у занядбаным стане, дзякуючы русіфікацыі», — падкрэсліў сябра Руху.

Па ягоных словах, «на вуліцах гарадоў павінна быць беларуская мова па змоўчанні, а не пасля просьбаў да ўладаў».

Автор: Ольга Быковская

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости