News Belarus News

Сябра Руху «За Свабоду» просіць разабрацца з варварскім абыходжаннем з дрэвамі ў Калінкавічах

Сябра Руху «За Свабоду» просіць разабрацца з варварскім абыходжаннем з дрэвамі ў Калінкавічах

2143 views Kalinkavichy
Дзяніс Рабянок напісаў скаргу ў Гомельскі камітэт аховы навакольнага асяроддзя пасля таго, як заўважыў, што ад іваў каля раённай бальніцы ў Калінкавічах засталіся высокія пні.

«На тэрыторыі установы аховы здароўя „Калінкавіцкая раённая бальніца“ была зроблена абрэзка дрэваў (івы недалёка ад Прыёмнага пакою хірургічнага аддзялення) — у выніку чаго былі цалкам спілаваныя ўсе галіны і амаль увесь ствол», — апісаў у скарзе праблему Рабянок.

Ён нагадаў, што летась гэтыя ж дрэвы ўжо былі аб’ектам жорсткай абрэзкі. «З якой мэтай трэба было рабіць паўторную і яшчэ больш жорсткую абрэзку ў 2019? І як гэта стасуецца з дзяржаўнай палітыкай, накіраванай на захаванне навакольнага асяроддзя, азеляненне населеных пунктаў і клапатлівага стаўлення да прыроды? Дзеля чаго фактычна былі знішчаны дрэвы?» — спытаў актывіст Руху «За Свабоду».

Ён папрасіў правесці праверку азначанага факта, устанавіць, ці адпаведна была праведзеная абрэзка, і хто загадаў яе зрабіць.

«Нам, як паветра неабходна вяртаць рэальнае самакіраванне, каб мясцовая ўлада выбіралася, кантралявалася і залежыла ад жыхароў Калінкавіч, Рэчыцы ці любога іншага горада ці мястэчка. Каб начальнікі ведалі, што ім трэба трымаць справаздачу перад людзьмі, а не рабіць „красіва“ раз на год для начальніка з Менску, а потым паводзіць сябе, як феадалы», — пракаментаваў сітуацыю Pyx.by Дзяніс Рабянок.

Па ягоных словах, па выніку мясцовыя жыхары ў ролі «прасіцеляў», а павінны быць гаспадарамі. А чыноўнік — не панам, а менеджарам, якога праз чатыры гады выганяць, калі ён не будзе рабіць тое што сапраўды трэба гораду і яго жыхарам.

Author: Volha Bykouskaya

Visitor Comments

Name: Optional
E-mail: Optional
Comment:
    No comments yet

Latest News