Навіны Навіны Беларусі

Рух «За Свабоду» засяродзіцца ў межах выбарчай кампаніі на мабілізацыі грамадства і назіранні

Рух «За Свабоду» засяродзіцца ў межах выбарчай кампаніі на мабілізацыі грамадства і назіранні

3469 Праглядаў Мінск
Рух «За Свабоду» ў завяршальнай частцы выбарчай кампаніі засяродзіцца на мабілізацыі выбарцаў, назіранні і ўстрымаецца ад падтрымкі зарэгістраваных кандыдатаў у прэзідэнты, такое рашэнне прынятае Радай арганізацыі.

Грамадства сёння як ніколі гатовае і прагне пераменаў. Людзі стаміліся ад прапанаванай беларускім рэжымам «стабільнасці», хочуць зрухаў у асобах і праграмах.

У гэтай празе мы заўсёды знаходзімся на адным баку з грамадствам. Рух «За Свабоду» падкрэслівае, што ў гэтых умовах актыўнае назіранне мае значэнне як адстойванне уласнага выбару.

Нам трэба свабода, нам трэба дэмакратыя, нам трэба павага да нашых правоў з боку дзяржавы. Дзеля гэтага Рух «За Свабоду» засяродзіцца на правядзенні паўнавартаснага назірання і мабілізацыі грамадства. Мы не выключаем правядзення супольных дзеянняў для дасягнення гэтых мэтаў з палітычнымі і грамадзянскімі сіламі, блізкімі нам каштоўнасна.

Каментары наведвальнікаў

Імя: не абавязкова
E-mail: не абавязкова
Каментар:
  • #1160 16.07.2020 14:18 @ Яраслаў

    На 16 ліпеня на мой погляд трэба дамовіцца з Ціханоўскай аб яе патрабаваннях да ўладаў.

    Яе статус дазваляе ставіць пытанне аб вызваленні ўсіх зняволенных. Калі ўлады гэтага не зробяць сысці з дыстанцыі.

    Гэта дасць ясны погляд грамадству, што ўлада сабой уяўляе.

    Сыход Ціханоўскай пры гэтым поўнасцю выкрэслівае народных кандыдатаў з шэрагу прэтэндэнтаў. Тады народ зразумее і падтрымае БАЙКОТ.

    Аб'яднанне ж Дзьмітрыева, Чэрэчня, Ціханоўскай супраць Лукашэнкі хітры крок уладаў, каб зноў жа павысіць яўку.

    Такі ж хітры крок гэта выступ Дзмітрыева перад ЦІК, калі яму дазволілі крытыкаваць уладу. Можа народ паверыць і пойдзе галасаваць.

    Мая прапанова Байкот, але Ціханоўскай трэба перад сыходам выкарыстаць свой статус каб вызваліць усіх зняволеных.

    Байкот гэта наша выбарчае права, якое існуе ў міжнародных пагадненнях, падпісаных Беларусьсю.

Прэзідэнцкія выбары 2020

Апошнія навіны