Навіны Навіны Беларусі

Як у Баранавічах дабіваюцца безбар’ернага асяроддзя для людзей з абмежаванымі магчымасцямі

Як у Баранавічах дабіваюцца безбар’ернага асяроддзя для людзей з абмежаванымі магчымасцямі

2176 Праглядаў Баранавічы
Сябры Руху «За Свабоду» і Цэнтра Тарча" з Баранавічаў правялі семінар-трэнінг «Горад без бар’ераў. Інваліды і здаровыя людзі».

Трэнерам сэмінара “Цэнтрам Тарча” быў запрошаны Сяргей Драздоўскі, старшыня Асацыяцыі інвалідаў-вазочнікаў. У семінары прыняла ўдзел Жана Сасніцкая, старшыня таварыства інвалідаў г. Баранавічы

На семінары былі абмеркаваныя праблемы даступнасці. Створаная сябрамі «Цэнтра Тарча» інтэрактыўная мапа даступнасці https://www.google.com/maps/d/edit?mid=1r2tw1EnD5d5Yg60nPK-LDjZkDLV4FDw4&ll=53.13210605197752%2C25.99700518828172&z=12 ў прысутных выклікала захапленне і станоўчыя эмоцыі.

Асабліва мапай зацікавілася сямейная пара Галіна і Алег Зыранавы, інваліды-калясачнікі з в. Крывошын Ляхавіцкага раёна. Яны выказалі пажаданне і гатовасць удзельнічаць у стварэнні такой жа мапы для Ляхавічаў. Таксама добры водгук атрымаў выдадзены намі ілюстраваны даведкава-інфармацыйны дапаможнік «Утульны даступны горад».

Сяргей Драздоўскі таксама высока ацаніў створаную баранавіцкімі актывістамі інтэрактыўную мапу даступнасці. Ён адзначыў, што гэта першая падобная праца ў краіне, таксама сказаў, што мапа будзе вельмі запатрабаваная, як грамадзянамі нашай краіны, так і замежнымі турыстамі.

Старшыня таварыства інвалідаў г. Баранавічы Жана Сасніцкая падзякавала нам за выдатную працу і выказала пажаданне далучыцца да працы па дапаўненні і пашырэнні функцый дадзенай мапы.

Цудоўна была прынятая ідэя правядзення ў бліжэйшыя тыдні фотасэсіі “Інвалід таксама чалавек”. Жана Сасніцкая паабяцала, што ў фотасэсіі прымуць удзел сябры Баранавіцкай арганізацыі інвалідаў.

Прыгожая дзяўчына Галіна Зыранава (Касьпяровіч) прапанавала нам быць мадэллю-візітоўкай гэтага праекта, рэалізуемага “Цэнтрам Тарча” у справе прыцягнення ўвагі шырокай грамадскасці да патрэбаў людзей з інваліднасцю. Яна сказала, што неабходна папулярызаваць тыя будынкі і іх гаспадароў, якія адаптаваныя пад патрэбы ўсіх без выключэння жыхароў горада. Гэта мусіць стаць сённяшнім трэндам для гарадскіх уладаў.

ЗРОБІМ БАРАНАВІЧЫ ЎТУЛЬНЫМ ГОРАДАМ ДЛЯ ЎСІХ

Актывісты Цэнтр “Тарча” (сябры Руху “За Свабоду“) ствараюць мапу безбар’ернай даступнасці горада Баранавічы, якую мы ўпершыню размяшчаем на старонцы “Цэнтр Тарча”. Аналіз дапаможа скаардынаваць і выпрацаваць метады і шляхі вырашэння праблемы безбар’ернага асяроддзя ў горадзе Баранавічы.

Заклікаем усіх неабыякавых далучацца да гэтай вельмі патрэбнай працы, каб палепшыць жыццё людзей з абмежаванымі магчымасцямі.

З прапановамі і пажаданнямі можна звяртацца па тэлефонах: +37529-828-1387 (МТС, Viber, Telegram, WhatsApp); +37533-303-4977 (МТС, Viber, Telegram) альбо напісаць у мэсэнджэры старонкі “Цэнтр” Тарча.

Крыніца: 1reg.by

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Лакальныя кампаніі

Апошнія навіны