Навіны Навіны Беларусі

Абраны лаўрэат прэміі Сырыцы

Абраны лаўрэат прэміі Сырыцы

1928 Праглядаў Мінск
Ігар Станкевіч за ўшанаванне памяці ахвяраў сталінскіх рэпрэсіяў пад Оршай, кампанію «Кабылякі. Растраляныя ў Оршы» абраны лаўрэатам прэміі імя Віктара Сырыцы, якую Рух «За Свабоду» ўручае ўжо трэці год запар.

Віктар Сырыца, вядомы баранавіцкі краязнаўца, гісторык, актывіст, каардынатар мясцовай суполкі Руху "За Свабоду" раптоўна памёр у 2015 годзе. У 2016 годзе ў памяць пра яго Рух «За Свабоду» заснаваў прэмію ягонага імя, якой узнагароджваюць актывістаў, якія за мінулы год арганізавалі выбітныя рэгіянальныя ініцыятывы.

«Віктар Сырыца быў шматгадовым сябрам Рады Руху «За Свабоду», заснавальнікам арганізацыі, ён зрабіў шмат рэгіянальных мерапрыемстваў, быў прыкладам, які натхняў паплечнікаў. Зараз мы прэміяй ягонага імя спрабуем працягнуць ягоную дзейнасць, падтрымаць людзей, якія працуюць у малых гарадах, якім часта цяжка нават з важнымі ініцыятывамі выйсці на нацыянальны ўзровень», - заявіў старшыня Руху «За Свабоду» Юрый Губарэвіч.

Па ягоных словах, у гэтым годзе на прэмію паступілі 20 заявак, у тым ліку і тыя, што якія арганізуюць сябры Руху.

Старшыня Руху адзначыў важнасць адзначэння ініцыятываў, якія скіраваныя на ўшанавання памяці ахвяраў сталінскіх рэпрэсіяў. Губарэвіч падкрэсліў, што ўлічваючы стаўленне да пытання ўладаў, памяць пра падзеі тых часоў можа знікнуць, а у такой сітуацыі гісторыя можа паўтарыцца, і падзякаваў Станкевічу за працу.


Лаўрэат прэміі распавёў пра тое, як пачаў працу ў архівах па сваім радаводзе і знайшоў вялікі спіс расстраляных пад час хвалі рэпрэсіяў. У кастрычніку 2017 года ён вырашыў, што іх памяць можна адзначыць і без удзелу ўладаў, прывёз пад Оршу 11 шыльдаў. Да сённяшняга дня актывісты знайшлі сваякоў забітых савецкімі ўладамі, і народны мемарыял Кабылякі разросся да больш чым 10 крыжоў, больш двух дзясяткаў шыльдаў.

«Я быў вельмі ўзрушаны. У людзей ёсць патрэба памятаць сваіх продкаў, не важна, што ўлады не хочуць. У людзей ёсць патрэба», - распавёў Станкевіч.

На сёння Ігар Станкевіч займаецца зваротамі ў архівы для атрымання інфармацыі пра рэпрэсаваных і раскулачаных сваякоў.

Пераможцай грамадскага галасавання стала Вікторыя Анохава-Жураўлёва за арганізацыю ў беларускамоўных літаратурных чытанняў для школьнікаў у Пружанах.

Каментары наведвальнікаў

Імя: не абавязкова
E-mail: не абавязкова
Каментар:
  • #837 04.03.2019 06:43 @ Анна

    И всё таки победила Виктория!

    Опять эти Сталины-Куропаты - вы подогнали победителя под свою некрофильскую идеологию!

    А человек старался, чтения организовывал, поднимал замшелый городишко Ружаны и мы все его поддержали!

    1. #840 05.03.2019 03:53 @ [ няма імя ]

      Ваша Вікторыя накруціла сабе галасы пад звароты прагаласаваць за яе ў сваіх сацсетках. А Ігар проста перамог.

  • #838 04.03.2019 08:21 @ Мікола

    Шчыра радуюся, што прэмію далі за патрэбную справу!

    Добра, што імя выбітнага чалавека Віктара Сырыцы не запэцкала [абразы выкрэсленыя. адміністрацыя] - відавочна, што праз сеціва накруцілі галасы!

  • #839 04.03.2019 12:10 @ Павал

    Паважаны спадар Юрась.

    Наступным разам больш сур'ёзней стаўцеся да адбору кандыдатаў!

    Відавочна, што праект Хлябца-Хоміч 100% перамог у грамадскім галасаванні, калі б не накруцілі менчукі з гэтымі незразумелымі чытаннямі.

  • #841 05.03.2019 15:10 @ СНЕЖ

    Игорь не просто - перамог: он делает дело, а не засоряет эфир [выкрэслена, адміністрацыя] по соцсетях!

    Такие мемориалы должны быть в каждом расстрельном месте, где сталинские уроды сеяли смерть!

    Ещё голосовала за Дыялекты - Инны Хомич и Максима Хлебца и очень удивлена, что они не прошли! Просто - очччёнь!

    И меня это беспокоит!

  • #856 16.03.2019 23:55 @ Адміністрацыя

    Спадарства, мы лічым дастойнымі ўсе ініцыятывы, якія былі намінаваныя на атрыманне прэміі. Рашэнне пра лаўрэата прымае Рада Руху "За Свабоду", і яно не было лёгкім.

    Прапануем працягнуць гэтую дыскусію ўжо ў межах выбару лаўрэата наступнага году. Можаце дасылаць прапановы на ўказаны на сайце емэйл у пачатку 2020 года.

  • #859 19.03.2019 09:32 @ Віктар Андрэеў

    "У кастрычніку 2017 года ён вырашыў, што іх памяць можна адзначыць і без удзелу ўладаў, прывёз пад Оршу 11 шыльдаў."

    На Кабыляцкую гару ў Оршы людзі прынеслі кветкі яшчэ ў 1989 годзе. У пачатку 90-х быў пастаўлены помнік. Штогод сюды прыходзілі людзі. Так што зрабіў Станкевіч? Адкрыў гэта месца? Імітацыя дзейнасці, вось што такое Станкевіч/

Прэмія імя Віктара Сырыцы

Апошнія навіны