Навіны Навіны Беларусі

Подпісы ў падтрымку зменаў у заканадаўства «Аб зямлі» перададзеныя уладам Баранавічаў

Подпісы ў падтрымку зменаў у заканадаўства «Аб зямлі» перададзеныя уладам Баранавічаў

2134 праглядаў Баранавічы
Актывісты Руху «За Свабоду» сабралі 69 подпісаў жыхароў Баранавічаў у падтрымку зменаў у заканадаўства «Аб зямлі».

«Актывісты падтрымалі ініцыятыву дэпутата Палаты прадстаўнікоў Рэспублікі Беларусь Ганны Канапацкай, якая пры падтрымцы Руху „За Свабоду“ распрацавала змены ў зямельнае заканадаўства», — распавёў Брэсцкі абласны каардынатар Юрый Казакевіч.

Па ягоных словах, зямельны кодэкс — гэта аснова на якой грунтуецца дэмакратычны лад у краіне, але існуючае сёння заканадаўства не з’яўляецца дасканалым і не ў стане вырашаць праблемы, якія існуюць у сферы зямельных праваадносін.

«Таму мы ў Баранавічах вырашылі падтрымаць гэтую ініцыятыву і сабралі больш за 60 подпісаў гараджанаў. Гэтыя подпісы разам з калектыўным зваротам перадалі ў гарвыканкам», — дадаў Казакевіч.

У калектыўным звароце актывісты просяць мясцовыя ўлады выказаць пазіцыю адносна выкладзеных паправак і прыняць меры, накiраваныя на ўнясенне нормаў у заканадаўства аб зямлi i зямельным праве, у прыватнасці ў Кодэкс Рэспублiкi Беларусь «Аб зямлі».

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Змены ў заканадаўства

Апошнія навіны