Навіны Навіны Беларусі

Мясцовае самакіраванне павінна замяніць «прэзідэнцкую вертыкаль»

Мясцовае самакіраванне павінна замяніць «прэзідэнцкую вертыкаль»

1556 Праглядаў Мінск
Рух «За Свабоду» распачаў абмеркаванне праграмнага дакумента арганізацыі па рэформах мясцовага самакіравання. Сярод прапановаў стварэнне аўтаномнага мясцовага самакіравання, наданне мясцовым саветам паўнамоцтваў распараджацца мясцовымі бюджэтамі і падаткамі.

Праграму рэформаў прадставілі сябрам Руху магістр дзяржаўнага кіравання Андрэй Клікуноў, эксперт Алесь Жучкоў і доктар юрыдычных навук Міхаіл Пастухоў.

«У праграмных дакументах утрымліваецца адказ на пытанне, што будзе рабіць Рух «За Свабоду», калі будзе мець доступ да дзяржаўнай улады. Не апошнюю чаргу тут адыгрывае пытанне мясцовага самакіравання. Рэальнае мясцовае самакіраванне адсутнічае ў Беларусі з 1994 года, і без яго немагчыма пабудаваць эфектыўную дзяржаву», - нагадаў прысутным старшыня Руху «За Свабоду» Юрый Губарэвіч.

Сярод прапановаў у падрыхтаваным дакуменце стварэнне аўтаномнага мясцовага самакіравання, замена «прэзідэнцкай вертыкалі ўлады» выбарнасцю кіраўнікоў мясцовых органаў улады ў адпаведнасці з прынцыпамі Еўрапейскай хартыі аб мясцовым самакіраванні.

Акрамя таго, павінны быць створаныя выканаўчыя органы мясцовых Саветаў, уведзеныя пасады старшыні савета, наданне паўнамоцтваў мясцовым Саветам выкананне праграм эканамічнага і сацыяльнага развіцця на мясцовым узроўні, мясцовага бюджэту і падаткаў.

Гэтыя прапановы будуць больш шырока абмяркоўвацца ў арганізацыі і зацвярджацца Радай у якасці праграмнага дакумента.

Аўтар: Вольга Быкоўская

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны