Навіны Навіны Беларусі

За фільм пра Лукашэнку блогеру пагражае крымінальная справа

За фільм пра Лукашэнку блогеру пагражае крымінальная справа

2329 Праглядаў Мінск
Сябра Руху «За Свабоду», відэаблогера Паўла Спірына апыталі ў міліцыі наконт фільма «Айчым» пра Аляксандра Лукашэнку. Праваахоўныя органы падазраюць, што ў стужцы ёсць абраза афіцыйнага лідара Беларусі.

«Мяне выклікалі у міліцыю. Там я адказаў на іх пытанні: ці гэта мой фільм. Сказаў, што мой. Я рассылаў яго ва ўсе дзяржаўныя органы. Па выніку склалі пратакол апытання. Голас запісвалі, зачытваў ім нейкую кнігу. Прама як у фільмы „Месца сустрэчы змяніць нельга“, калі там пад дыктоўку пісаў Шарапава злачынца, так я чытаў тэкст, слязлівы нейкі», — распавёў сайту Pyx.by Павел Спірын.

На развітанне, па словах актывіста Руху «За Свабоду», міліцыянты паведамілі, что будзе праведзеная экспертыза, пасля якой будзе прынятае рашэнне, ці ўзбуджаць крымінальную справу.

«Самі міліцыянты не ведаюць, чым я мог абразіць Лукашэнку ў гэтым фільме. З пракуратуры ім прыйшло ўказанне, цяпер вось даследчую праверку праводзяць», — адзначыў Спірын.

Блогер распавёў, што выклаў «Айчыма» у сеціва ў пачатку снежня. Фільм прысвечаны Лукашэнку і ягонаму праўленню з 1994 года «з кропкі гледжання простага народа», у фільме ўздымаюцца палітычныя, эканамічныя, сацыяльныя пытанні. "«Айчым» падобны на «Звычайнага прэзідэнта» Хашчавацкага. Я перад тым, як рабіць фільм, звярнуўся да рэжысера, мы размаўлялі, ён даў некалькі парадаў, як правільна рабіць мантаж і інш. Я выкарыстаў некаторыя парады ў фільме, і вельмі ўдзячны за іх рэжысёру", — кажа актывіст Руху «За Свабоду».

Павел Спірын лічыць, што абразы Лукашэнкі ў фільме няма. Але думае, што ўлады заклапочаны колькасцю праглядаў відэа: на сегодня только на канале в Youtube больш за 460 тысячаў праглядаў. Блогер кажа, што адтуль фільм разышоўся па іншых сацсетках, дзе праглядаў яшчэ болей.

«Улады лічаць, што патрэбна прыцягнуць да адказнасці, запужаць. Каб напалохаць людзей, паказаць, што праўду казаць нельга», — кажа сябра Руху «За Свабоду».

Пакуль міліцыя праводзіць праверку, Павел Спірын працуе над новым матэрыялам пра міністра ўнутраных справаў Ігара Шуневіча.

«Артыкул крымінальнага кодэксу пра абразу прэзідэнта мусіць быць скасаваны», - пракаментаваў сітуацыю старшыня Руху «За Свабоду» Юрый Губарэвіч.

Па ягоным меркаванні, гэты артыкул парушае адно з фундаментальных правоў беларусаў - права крытычна ацэньваць дзеянні ўлады. «Службовыя асобы мусяць знаходзіцца пад «грамадскім пражэктарам», і яны павінны мець значна меншую абарону ад крытыкі, чым звычайныя грамадзяне. Так дзейнічаюць ва ўсіх цывілізаваных краінах свету», - дадаў Юрый Губарэвіч.

Ён нагадаў, што Павел Спірын, сябра Руху «За Свабоду», актыўна бярэ ўдзел ў выбарчых кампаніях – назіраннях і ў якасці кандыдата, а таксама ён неаднаразова ў сатырычнай форме звяртаў увагу на дзейнасць прадстаўнікоў беларускай улады. «Але заўсёды пры гэтым трымаецца ў межах прыстойнасці, не пераходзіць на асобы, а крытыкуе, што сказана і што зроблена», - патлумачыў старшыня Руху.

«Мы патрабуем неадкладна спыніць ціск на Паўла Спірына. З'яўленне новых палітычных вязняў не ў інтарэсах той часткі ўлады, якая выступае за большую адкрытасць Беларусі і больш цывілізаваны твар дзяржавы», - заключыў Юрый Губарэвіч.

Аўтар: Вольга Быкоўская

Каментары наведвальнікаў

Імя: не абавязкова
E-mail: не абавязкова
Каментар:
  • #780 26.09.2018 19:59 @ [ няма імя ]

    Павел... Хто ты такі? Што ты зрабіў на блага Беларусі, якую ты так "любіш", пячэшся аб ёй? Дзе ты працуеш? Чым зарабляеш на пражытак? Хто па спецыяльнасці? (акрамя відэаблогера і ЧЛЕНА "рухазасвабоду"?) І апошняе: за ЯКУЮ СВАБОДУ і ад КАГО, альбо ЧАГО?

    На мой погляд, ты проста недавучаны пацан-адшчапенец. Мала цябе бацькі ў дзяцінстве рэмнем частавалі...

    Прабач, але... супыніся, хлопец і... едзь, абы куды...

    1. #857 17.03.2019 00:09 @ Адміністрацыя

      а вы хто такі, ананім?

Апошнія навіны