Навіны Навіны Беларусі

Ашурак: Атрымаў амаль 16% ва ўмовах страшэнных фальсіфікацыяў

Ашурак: Атрымаў амаль 16% ва ўмовах страшэнных фальсіфікацыяў

1209 Праглядаў Бярозаўка
Вынікі мясцовых выбараў каментуе сябра Руху «За Свабоду», экс-кандыдат у Бярозаўскі гарадскі савет Вітольд Ашурак.

«Згодна пратаколу выбарчай камісіі я атрымаў 15,9 %. На маім участку было 2 кандыдата, то бок „срэбра“ маё», — распавёў Ашурак.

Па ягоных словах, на акрузе назіралася завышэнне яўкі: падчас датэрміновага галасавання дапісалі лішніх 132 голаса, у асноўны дзень дакінулі яшчэ 500 — усе гэтыя парушэнні зафіксаваныя, пададзеная афіцыйная скарга. Больш за ўсё спадабалася, адзначыў палітык, «як фальсіфікатары спрабавалі схаваць свой падман: лічылі галасы шэсць гадзін, вышлі мы з участка а трэцяй гадзіне ночы».

«То бок, мае амаль 16% атрыманыя мною нават ва ўмовах страшэннай фальсіфікацыі», — адзначыў сябра Руху «За Свабоду».

Такімі дробязямі, як фальсіфікацыі, мяне не спалохаць, кажа Ашурак. «Будзем і надалей хістаць гэтую сістэму, да канца гэтага году плануем альбо прыпыніць, альбо ўвогуле закрыць шкодную вытворчасць у горадзе. А яшчэ распачынаем слушную справу за ўсталяванне помніку чалавеку, які заснаваў наш горад», — заключыў Вітольд Ашурак.

Аўтар: Вольга Быкоўская

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Мясцовыя выбары 2018

Апошнія навіны