Навіны Навіны Беларусі

Юрый Казакевіч падаў скаргу ў Камітэт па правах чалавека ААН

Юрый Казакевіч падаў скаргу ў Камітэт па правах чалавека ААН

3766 Праглядаў Баранавічы
Брэсцкі абласны каардынатар Руху «За Свабоду» Юрый Казакевіч звярнуўся ў Камітэт па правах чалавека ААН са скаргай на незаконныя дзеянні Свіслацкай міліцыі ў кастрычніку 2016 года.

Супрацоўнікі міліцыі прыцягнулі яго да адміністрацыйнай адказнасці нибыта за ўдзел у несанкцыянаваным мерапрыемстве, кажа Юрый Казакевіч.

– Супраць мяне адбыўся судовы пераслед за тое, што я ў горадзе Свіслачы на свята Дзяды ўскладаў кветкі са сваімі сябрамі на магілу паплечнікаў Каліноўскага, герояў нашай Беларусі. Я за гэта быў асуджаны Свіслацкім раённым судом на 10 базавых велічыняў. Падаваў скаргу ў Гарадзенскі абласны суд.

Паводле Юрыя Казакевіча, пасля таго, як не знайшоў правасуддзя ў Беларусі, звярнуўся да праваабаронцаў Сяргея Гоўшы і Аляксандара Вайцешыка. Яны аказалі неабходную прававую дапамогу ў напісанні звароту ў Камітэт па правах чалавека.

Абласны каардынатар Руху "За Свабоду" лічыць, што не здзейсніў ніякага правапарушэння і ў будучым не намераны прасіць дазволу ўладаў на ўскладанне кветак на магілы герояў Беларусі.

Крыніца: www.racyja.com

Каментары наведвальнікаў

Імя: не абавязкова
E-mail: не абавязкова
Каментар:

Год Каліноўскага

Апошнія навіны