Навіны Навіны Беларусі

Левон быў затрыманы у РАУС на сем гадзінаў

Левон быў затрыманы у РАУС на сем гадзінаў

2206 Праглядаў Навагрудак Гарадок
Праверка па справе каардынатара Руху «За Свабоду» у Гродзенскай вобласці Вадзіма Левон ідзе па скарзе невядомага на распаўсюд улётак. Канфіскаваныя паперы накіраваныя на экспертызу, ён сам пасля 7-гадзіннага затрымання ноччу быў вызвалены.

Міліцыя правяла вобшукі дома ў бацькоў каардынатара Руху «За Свабоду» у Гродзенскай вобласці Вадзіма Левон. Сілавікі канфіскавалі дакументы і затрымалі самога Левон. Раней абласны каардынатар заявіў пра ціск і запужванні з боку КДБ.

«Пад час канфіскацыі папераў мне паказалі паперку, дзе была скарга кагосьці на тое, што я распаўсюджваў улёткі», - распавёў Вадзім Левон.

Па ягоных словах, ён прымусіў міліцыянтаў і супрацоўнікаў КДБ пералічыць усе канфіскаваныя паперы, але газеты яны ўлічваць ужо не сталі, як і ўлёткі пра паводзіны з міліцыяй пад час затрымання. Дакументацыя заняла ўвесь вялікі кабінет.

«Сілавікі не маглі вызначыцца, ці я затрыманы, ці не. Я кажу, мне зраніцы на працу. Адзін крычыць: «Ты затрыманы!» Другі: «Ты не затрыманы!». Я кажу: «Я піць хачу, на вольнае паветра хачу»», - распавёў Левон. Па ягоных словах, ад яго пры гэтым патрабавалі выключыць тэлефон, дастаць SIM-картку, спрабавалі адабраць апарат, хапалі за куртку.

У выніку быў аформлены пратакол пра ягонае затрыманне, дзе было ўказана, што ў 18.00 ён быў затрыманы, у 2.00 вызвалены.

«Мне паведамілі, што паперы будуць накіраваныя на экспертызу мінімум на дзесяць дзён. Адзначылі, што калі там будзе знойдзена інфармацыя супраць дзяржавы, экспертыза можа зацягнуцца. Потым будзе суд», - сказаў Левон.

Статус як абласнога каардынатара, так і самой справы пакуль невядомы.

Адзначым, што пасля некалькіх заяваў і званка на "гарачую лінію" МУС супрацоўнікі РАУС Гарадка прызналі, што дачка каардынатара Руху "За Свабоду" па Віцебскай вобласці Леаніда Гаравога знаходзіцца ў іх. На гэты момант яна вызваленая, тэхніку, якая была канфіскаваная, міліцыя пакуль не вярнула.

Аўтар: Вольга Быкоўская

Каментары наведвальнікаў

Імя: не абавязкова
E-mail: не абавязкова
Каментар:
  • #537 25.03.2017 01:01 @ [ няма імя ]

    Спадарыня из Березовки, нет намерения выгораживать ни кого. Но откровенно говоря, очень много известных в истории личностей, которых мы знаем как ученых, художников, политиков и поэтов в личной жизни были мягко говоря далеки от идеала, но мы судим о них по тем заслугам, которые они оставили для потомков.

    Назвали бы имя политика, который по вашему мнению достоин представлять ваши интересы, нет сомнений, что это будет чистейшей души человек.....

Апошнія навіны