Навіны Навіны Беларусі

У сакавіку пачне вучыцца новы набор «каліноўцаў»

У сакавіку пачне вучыцца новы набор «каліноўцаў»

2918 Праглядаў
Падрыхтоўчы курс па польскай мове ў межах стыпендыяльнай праграмы імя Кастуся Каліноўскага распачнецца для 20 студэнтаў, выключаных з беларускіх універсітэтаў праз палітычнае іншадумства.

Кіраўніца Камітэту абароны рэпрэсаваных «Салідарнасць» Іна Кулей спадзяецца, што праграма будзе адкрытай і да лета зможа прыняць яшчэ некалькі набораў студэнтаў, паведамляе «Белсат». Цяпер сваю вучобу ў Польшчы працягнуць тыя, каго выключылі быццам бы з-за акадэмічнай непаспяховасці падчас зімовай сесіі. Спадарыня Кулей адзначыла, што студэнты змагаліся за свае месцы ва ўніверсітэтах да апошняга:

«Нам вельмі прыемна, што ніхто з гэтых маладых людзей не напісаў заяву на асабістае жаданне. Хаця шмат у каго рэктары і дэканы вымагалі такую заяву. Ім хацелася проста пазбавіць сябе моманту прыняцця гэтага непрыемнага рашэння. Бо рэктары і дэканы — гэта кандыдаты на той чорны спіс неўязных у Еўропу. І яны дакладна пра гэта ведаюць».

Афіцыйная інаўгурацыя сёлетняй праграмы прызначаная на 21 сакавіка. З моманту яе заснавання ў 2006 годзе ў праграме ўзялі ўдзел каля 270 чалавек.

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны