Навіны Беларусь і Свет

Абраны новы кіраўнік дэлегацыі Еўрапарламента па сувязях з Беларуссю

Абраны новы кіраўнік дэлегацыі Еўрапарламента па сувязях з Беларуссю

1714 Праглядаў
45-гадовы паляк Філіп Качмарак абраны новым кіраўніком дэлегацыі Еўрапейскага парламента па сувязях з Беларуссю. На гэтай пасадзе ён змяніў свайго суайчынніка Яцака Пратасевіча.

5 чэрвеня пасля свайго абрання Качмарак заявіў, што будзе працягваць палітыку свайго папярэдніка. Адносіны з Беларуссю ён назваў вельмі складанымі. "Пасля прэзідэнцкіх выбараў палітычнае супрацоўніцтва ЕС з Беларуссю было значна абмежавана і грунтуецца на кантактах на экспертна-працоўным узроўні, — прыводзіць словы новага кіраўніка дэлегацыі польскае агенцтва ПАП. — Нашай задачай у найбліжэйшыя месяцы будзе падтрымка развіцця дэмакратычнай грамадзянскай супольнасці, у тым ліку аб'яднанняў і незалежных медыя, сітуацыя з якімі пагаршаецца".

На першым пасяджэнні пад кіраўніцтвам Качмарака еўрадэпутаты прынялі зварот з заклікам удастоіць зняволенага беларускага праваабаронцу Алеся Бяляцкага Нобелеўскай прэміі свету, паведамляе БелаПАН.

Качмарак з'яўляецца ўраджэнцам Познані. На радзіме з'яўляецца членам партыі "Грамадзянская платформа", а ў Еўрапарламенце, куды быў абраны ў 2004 годзе, уваходзіць у фракцыю Еўрапейскай народнай партыі. Член палітбюро ЕНП.

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны