Навіны Навіны Руху

Віцебскі Еўраклуб запрашае на сустрэчу з Арловым і Хадановічам

Віцебскі Еўраклуб запрашае на сустрэчу з Арловым і Хадановічам

3535 Праглядаў Віцебск
Літаратурная вечарына з удзелам вядомых беларускіх літаратараў адбудзецца 31 траўня.

Падчас сустрэчы з чытачамі пісьменнік і гісторык Уладзімір Арлоў прэзентуе сваю апошнюю кнігу «Пакуль ляціць страла».

У гэтым зборніку з серыі «Бібліятэка Свабоды» абмяркоўваецца шырокае кола гістарычных, палітычных і асабістых тэмаў — ад удзелу мурынаў у паўстанні Каліноўскага і допінг-кантролю на рыцарскіх турнірах да першых эратычных перажыванняў, творчых метадаў і прагнозаў на канец свету.

Кніга, падзеленая на раздзелы «Было», «Ёсць» і «Будзе», насычаная фірмовым гумарам. Лёгка прачытаная, яна прынясе прыемнасць і дасць масу новых ведаў зацікаўленаму беларушчынай чытачу.

Старшыня Беларускага ПЭН-цэнтра, паэт Андрэй Хадановіч падзеліцца развагамі пра стан беларускай літаратуры ХХІ стагоддзя і пазнаёміць прысутных са сваімі новымі вершамі.

Імпрэза пройдзе ў памяшканні Віцебскага еўрапейскага клуба па адрасе 1-я Сенненская, д. 5 (раён «Лучоса»). Мерапрыемства адбудзецца 31 траўня, пачнецца а 18 гадзіне. Уваход вольны.

Падрабязнасці можна даведацца ў каардынатара Руху «За Свабоду» па Віцебшчыне Хрыстафора Жаляпава па тэлефоне 8-029-5173253.

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Еўрапейскія клубы

Апошнія навіны