Навіны Беларусь і Свет

Паслы Еўрасаюза вернуцца ў Мінск пасля Вялікдня?

Паслы Еўрасаюза вернуцца ў Мінск пасля Вялікдня?

1823 праглядаў Мінск
Паслы Еўрапейскага саюза ўсе разам вернуцца ў Беларусь неўзабаве пасля Вялікдня, калі Аляксандр Лукашэнка за гэты час не зробіць нейкіх рэзкіх захадаў, паведаміў 30 сакавіка сайт EUobserver.

Мяркуючы па абнародаванай інфармацыі, рашэнне аб вяртанні кіраўнікоў місій было прынята еўрапейскімі дыпламатамі за зачыненымі дзвярыма ў Бруселі на гэтым тыдні. «У мяне яшчэ няма інструкцый, але я чакаю атрымаць іх у панядзелак», — цытуе EUobserver пасла краіны ЕС у Беларусі.

Нагадаем, сёлета католікі святкуюць Вялікдзень 8 красавіка.

Адзін з еўрапейскіх дыпламатаў сказаў сайту, што паслы вернуцца, калі беларускі бок будзе сябе правільна паводзіць. «Вядома, адсюль вынікае пытанне: што значыць „правільна“? Але, па ідэі, гэта павінна адбыцца», — адзначыў ён.

Нагадаем, 31 студзеня 2011 года на пасяджэнні ў Бруселі Савет ЕС зацвердзіў спіс прадстаўнікоў беларускай дзяржавы, чый уезд у Еўрасаюз забаронены і чые актывы на яго тэрыторыі павінны быць замарожаны. На думку членаў савета, гэтыя асобы садзейнічалі парушэнню правоў чалавека ў Беларусі. Спіс неаднаразова пашыраўся, і цяпер у ім больш чым 200 прозвішчаў. Санкцыі ЕС таксама тычацца 32 беларускіх прадпрыемстваў. Праводзячы такую палітыку, Еўрасаюз дабіваўся вызвалення і рэабілітацыі ў Беларусі палітзняволеных.

28 лютага беларускія ўлады рэкамендавалі кіраўніку прадстаўніцтва Еўрасаюза Майры Моры і паслу Польшчы Лешаку Шарэпку «выехаць у свае сталіцы для кансультацый, каб давесці свайму кіраўніцтву цвёрдую пазіцыю беларускага боку аб непрымальнасці ціску і санкцый». У Мінск для кансультацый былі адкліканыя пастаянны прадстаўнік Беларусі пры Еўрасаюзе Андрэй Еўдачэнка і пасол Беларусі ў Польшчы Віктар Гайсёнак. У адказ краіны ЕС адлікалі сваіх паслоў з Мінска.

Прадстаўнікі апазіцыі і грамадзянскай супольнасці Беларусі заяўляюць, што ўлады краіны стварылі спіс грамадзян, невыязных па палітычных прычынах. Так, у ноч з 27 на 28 сакавіка ўлады прадухілілі выезд з краіны апазіцыянераў Анатоля Лябедзькі, Сяргея Калякіна і Аляксандра Атрошчанкава, якія накіроўваліся ў Брусель на сустрэчу з еўракамісарам па пытаннях пашырэння і палітыцы добрасуседства Штэфанам Фюле, сообщает БелаПАН.

У выніку, як сказаў адзін з беларускіх актывістаў, на сустрэчы было «поўна лабістаў» Лукашэнкі. Але затрымання апазіцыянераў было недастаткова для невяртання паслоў. Паслы не вернуцца, калі, напрыклад, загіне апазіцыянер Сяргей Каваленка, які трымае ў турме галадоўку.

Адзін з еўрапейскіх дыпламатаў сказаў, што патэнцыяльнае вяртанне паслоў не павінна разглядацца як палітычны падарунак: «Мы гатовыя ўводзіць далейшыя санкцыі, калі сітуацыя не палепшыцца».

Яшчэ адзін еўрапейскі дыпламат сказаў: «Калі паслы будуць у Беларусі, гэта дапаможа нам працаваць там больш эфектыўна і атрымліваць справаздачы больш высокай якасці».

Тэгі: паслы 13

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны