Навіны Аналітыка

Амэрыканскія аналітыкі: Беларусь інтэгруюць у 2015 годзе

Амэрыканскія аналітыкі: Беларусь інтэгруюць у 2015 годзе

3174 праглядаў
Амэрыканскі аналітычны цэнтар «Стрэтфар» («Stratfor») аналізуе бліжэйшыя пэрспэктывы дачыненьняў Беларусі і Ўкраіны з Расеяй.

«Абедзьве дзяржавы супрацоўнічаюць з Масквой, але ўзровень іх супрацоўніцтва розны. Украіна разумее неабходнасьць шчыльных сувязяў Расеяй, але лявіруе паміж Расеяй і Захадам, каб атрымаць як мага больш выгод. Беларусь, якая з палітычных прычынаў у значнай ступені ізаляваная ад Захаду, зьяўляцца сябрам Мытнага зьвязу з Расеяй і Казахстанам і мае найбольш шанцаў быць уцягнутай у Эўразійскі Зьвяз», — гаворыцца ў аналізе «Stratfor».

Што да будучыні Беларусі, то аналітыкі цэнтру ня бачаць для яе іншага выбару, як падпарадкоўвацца стратэгіі Расеі, якая зноў набывае моц. «Гэта робіць абмежаванымі магчымасьці Менску атрымліваць падтрымку з боку іншых дзяржаваў. Такім чынам, Расея будзе працягваць інтэграваць Беларусь і рухацца да стварэньня ў 2015 годзе Эўразійскага зьвязу», — робяць выснову амэрыканскія аналітыкі.

Пасьля правалу перамоваў Украіны з ЭЗ з-за зьняволеньня былога прэм’ера Юліі Цімашэнкі, аслабленая і процівага Кіеву супраць Масквы, што паставіла краіну ў цяжкае становішча, перадае радыё «Свабода». «Высокія цэны на расейскі газ вядуць да фінансавага крызысу, так што гэта толькі пытаньне часу, калі Ўкраіна вымушаная будзе даць Расеі кантроль альбо доступ да сваёй энэргетычнай сыстэмы ў абмен на паніжэньне цэнаў. Гэта яшчэ больш аслабіць магчымасьці манэўру для Кіеву і прывядзе да таго, што — хоча таго Украіна альбо не — яна будзе вымушаная ўрэшце рэшт улічваць расейскія інтарэсы», — заключаюць аналітыкі амэрыканскага цэнтру «Stratfor».

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Апошнія навіны