Навіны Навіны Руху

Беларускія еўрааптымісты сустрэнуцца з прэзідэнтам-еўраскептыкам

Беларускія еўрааптымісты сустрэнуцца з прэзідэнтам-еўраскептыкам

3979 Праглядаў Уроцлаў
Гэтымі днямі каардынатары Еўрапейскіх клубаў Руху «За Свабоду» знаходзяцца ва Ўроцлаве, дзе ў іх запланаваныя сустрэчы як з прадстаўнікам ўладаў, так і з кіраўнікамі арганізацый грамадзянскай супольнасці. Адукацыйна-азнаямляльная паездка арганізаваная пры дапамозе польскага фонда «За вашу і нашу вольнасць».

Сёння каардынатары Еўраклубаў сустрэнуцца з прэзідэнтам Чэхіі Вацлавам Клаўсам. Сустрэча з Клаўсам пройдзе падчас мерапрыемстваў па ўшанаванні памяці ахвяраў ваеннага становішча ў Польшчы (13 снежня — 30-я гадавіна яго ўвядзення). Адзначым, што чэшскі прэзідэнт лічыцца еўраскептыкам.

Еўрапейскія клубы — гэта адмысловыя цэнтры ва ўсіх рэгіёнах Беларусі, якія займаюцца распаўсюдам інфармацыі пра Еўрапейскі саюз, пра перавагі дэмакратычных стандартаў ў сацыяльнай сферы, дзяржаўным кіраванні і мясцовым самакіраванні, а таксама кансультаваннем аб магчымасцях супрацоўніцтва ў сферы адукацыі, турызму і бізнэсу.

Каментары наведвальнікаў

Імя: не абавязкова
E-mail: не абавязкова
Каментар:
    спіс каментароў пусты

Еўрапейскія клубы

Апошнія навіны