Новости Новости Движения

Встреча актива региональных отделений Движения «За Свободу» прошла в Гомеле

Встреча актива региональных отделений Движения «За Свободу» прошла в Гомеле

1265 просмотров Гомель
Председатель Движения «За Свободу» Юрий Губаревич и гомельский областной координатор Движения Алексей Атрощенко провели сегодня встречу с активистами движения «За Свободу» из Речицы, Жлобина, Калинковичей, Мозыря, Добруша и Гомеля.

Сустрэча пачалася з выступу Юрыя Губарэвіча, які распавёў пра сітуацыю ў краіне, у прыватнасці святкаванне 100-годдзя БНР і ролю ў ім Руху.

«Дзясяткі тысячаў людзей удзельнічалі ў святкаванні ля Опернага тэатра. Мы прадэманстравалі і ўладам, і беларускаму грамадству, што людзей, якія хочуць вярнуцца да нацыянальных каштоўнасцяў, да бел-чырвона-белага сцяга і Пагоні, да іншай Беларусі — вельмі шмат», — лічыць старшыня Руху «За Свабоду».

Ён падкрэсліў, што Дзень Волі адсвяткавалі прыстойна і па-еўрапейску. «Затрыманні людзей, якія прыйшлі на несанкцыяванае шэсце можна ацэніць толькі выключна негатыўна: кожны чалавек мае права на свабоду мітынгаў і шэсцяў, гэта дакладнае парушэнне міжнароднага права», — падкрэсліў Губарэвіч, нагадаўшы і пра затрыманні ў рэгіёнах.

Па словах палітыка, тое, што адбылося, можна патлумачыць «толькі клопатам аб тым, каб не было хаосу ў галовах сілавікоў: уладам трэба было прадэманстраваць, што ўсё пад кантролем, апазіцыі не ўсё дазволена».

«25 сакавіка прынесла значна больш станоўчых вынікаў, чым адмоўных. Да, былі затрыманні. Але дзясяткі і сотні тысячаў чалавек пабачылі добра арганізаванае свята і вялікую колькасць людзей пад бел-чырвона-белымі сцягамі», — дадаў палітык.

Губарэвіч таксама распавёў актывістам пра бліжэйшыя планы арганізацыі, сярод якіх праца з моладдзю (правядзенне летнікаў і летніх школаў), больш глыбокая прапрацоўка палітычнай праграмы Руху па шэрагу накірункаў ад сацыяльных і эканамічных рэформаў да мясцовага самакіравання. Ад лідара арганізацыі таксама прагучалі прапановы для актывістаў рэгіёну: рэгулярныя абласныя сустрэчы і палітычныя школы з магчымасцю абрання тэмаў.

Потым перад удзельнікамі сходу выступіў гомельскі абласны каардынатар Руху Аляксей Атрошчанка. Ён каротка распавёў пра працу суполкі з моманту свайго абрання, прыгадаў пра праведзеныя мерапрыемствы і дадаў пра планы. Прынамсі, па ягоных словах, летам запланаванае правядзенне новага летніка з элементамі экстрэмальнага адпачынку — роўдджампінгу.

Удзельнікі сходу распыталі пра сітуацыю з офісам арганізацыі ў Мінску і далейшыя планы Руху.

Сустрэчай у Гомелі распачатая серыя рэгіянальных сустрэчаў з актывам Руху "За Свабоду". Іх серыя адбудзецца цягам красавіка-траўня.

Автор: Ольга Быковская

Комментарии посетителей

Имя: не обязательно
E-mail: не обязательно
Комментарий:
    список комментариев пуст

День Воли

Последние новости