Новости Новости Беларуси

Более 200 подписей собрали жители Слуцкого района против опасного производства

Более 200 подписей собрали жители Слуцкого района против опасного производства

380 просмотров Слуцк
Власти снова вынесли на обсуждение возможность появления в Слуцком районе потенциально опасного производства, рассказал областной координатор Движения «За Свободу» Виталий Амелькович. Это вызвало протест местных жителей, а сам Амелькович потребовал от райисполкома проведения общественной экологической экспертизы.

Пляцоўка па біялагічнай ачыстцы нафтазабруджаных грунтаў можа паўстаць на ўчастку ваеннага гарадка ў 6 кіламетрах ад вёскі Адамова. Слуцкія ўлады ужо праводзілі грамадскія слуханні, якія зацвердзілі дадзенае рашэнне. Мясцовыя жыхары актыўна змагаліся з гэтым, сабралі подпісы, звярнуліся да правабаронцаў, у тым ліку і да сябра БХК і каардынатара Руху «За Свабоду» ў Мінскай вобласці Віталя Амяльковіча. Пасля ягонай скаргі вынікі тых слуханняў былі прызнаныя несапраўднымі.

«13 красавіка на адной з апошніх старонак раённай газеты сярод рэкламы была надрукаваная абвестка, што з 17 красавіка па 12 траўня пройдзе грамадскае абмеркаванне справаздачы па Ацэнцы ўздзеяння на навакольнае асяроддзе (АЎНА) дадзенай вытворчасці», — распавёў сайту Pyx.by Віталь Амяльковіч.

У гэты ж дзень, па ягоных словах, мясцовыя жыхары пачалі яму тэлефанаваць з просьбамі па дапамогу. «Яны пільна адсочвалі інфармацыю, бо раней прадпрымальнік папярэдзіў іх, што адмыслова абярэ нязручны час для новых грамадскіх слуханняў. Хутчэй за ўсё, ён вырашыў правесці абмеркаванне менавіта цяпер, каб мясцовым жыхарам было „не да таго“ праз тыя ж сельскагаспадарчыя работы, а таксама Вялікдзень і Радаўніцу», — дадаў рэгіянальны каардынатар Руху.

14 красавіка Амяльковічам была пададзена заява аб скліканні сходу па абмеркаванні справаздачы па АЎНА. «Я звязаўся з юрыстам „Зялёнай сеткі“ Сяргеем Магонавым і арганізацыяй „Экадом“, і мы распрацавалі кампанію супраць стварэння на Случчыне гэтай патэнцыйна небяспечнай вытворчасці», — сказаў Віталь Амяльковіч.

На сёння ён звярнуўся ў Слуцкі райвыканкам з патрабаваннем правесці грамадскую экалагічную экспертызу вытворчасці па біялагічнай ачыстцы нафтазабруджаных грунтаў і папрасіў для гэтага «забяспечыць перадачу праектнай дакументацыі». Эколагі ж звярнуліся з заявамі ў пракуратуру і скаргай у Міністэрства аховы навакольнага асяроддзя.

Акрамя таго, мясцовыя жыхары перадалі ў райвыканкам больш за 200 подпісаў супраць з’яўлення ў рэгіёне патэнцыйна шкоднай і небяспечнай вытворчасці, а яшчэ больш за 200 — пад зваротам за правядзенне схода для грамадскага абмеркавання справаздачы па АЎНА.

У сваю чаргу бізнэсоўца спрабуе аказваць на актывістаў пэўны ўціск. «Віцень атрымаў інфармацыю, што ягоная спроба цішком правесці слуханні правалілася, і цяпер спрабуе дзейнічаць у тым ліку шляхам пагрозаў. Але нічога ў яго не атрымаецца, мясцовыя жыхары настроены змагацца за нашу Случчыну і не збіраюцца здавацца», — адзначыў каардынатар Руху «За Свабоду» па Мінскай вобласці.

«Мы падтрымліваем іх жаданне разабрацца ў справе да канца, наколькі гэтая сумнеўная вытворчасць шкодная і небяспечная, і не дапусцім, каб яна была запушчана без належнага абмеркавання і экспертызы», — дадаў Амяльковіч.

Автор: Ольга Быковская

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости