Новости Новости Беларуси

Координатор Движения «За Свободу» по Брестской области открыл магазин вышиванок

Координатор Движения «За Свободу» по Брестской области открыл магазин вышиванок

577 просмотров Барановичи
Магазин «Росквіт» с товарами в национальном стиле открыл в Барановичах каарданатар Движения «За Свободу» по Брестской области Юрий Казакевич. Он говорит, что для него это дело прежде всего идейное, а не бизнес-проект.
Баранавіцкая крама «Росквіт» — адна з нямногіх на Берасьцейшчыне, дзе можна набыць вышыванкі. У вольным продажы тут, апроч вышыванак, шмат прадукцыі з арнамэнтам, зь бел-чырвона-белымі сьцягамі ды Пагоняй.
Як распавёў Свабодзе гаспадар крамы Юры Казакевіч, для яго адкрыцьцё крамы было рызыкай, бо спадар мусіў прадаць аўтамабіль дзеля таго, каб вышыванкі маглі набыць жыхары Баранавічаў:

«Мне давялося пазбавіцца пэўнай маёмасьці, дакладней, прадаць аўтамабіль, каб адчыніць гэтую краму. І, дзякуй Богу, я бачу вялікую цікаўнасьць гараджанаў, якія радуюцца, і кажуць, маўляў, вось, нарэшце, гэта ў нас зьявілася і ня трэба ў Менск ехаць. Ну і калі нават казаць пра практычны бок справы, то мы і цэны імкнёмся рабіць меншымі за менскія. У нас, усё ж, правінцыя, і ўзровень даходаў у людзей меншы», — кажа Юры Казакевіч.

Крама «Росквіт» у Баранавічах прапануе і бел-чырвона-белыя сьцяжкі


У размове з журналістамі, гаспадар крамы кажа, што яго ня варта называць бізнэсоўцам, бо для яго адкрыцьцё нацыянальнай крамы — гэта ня бізнэс, а справа гонару:

«У гэтай справе на першае месца стаўлю ідэйны, маральна-этычны, грамадзка-палітычны складнік. Але не камэрцыйны. Менавіта таму ў нас вельмі нізкая нацэнка. Гэта, канешне, можа скончыцца тым, што мы ня зможам гандляваць доўга, але мы паспрабуем праз 2-3 месяцы выйсьці на нейкі прыбытак. Мы прыкладзем усе намаганьні, каб маглі працаваць як надалей. У плянах, мы спадзяемся, што будзем пашырацца. Думаем у будучыні адчыніць інтэрнэт-краму і дапамагаць тутэйшым людзям знаходзіць нашую нацыянальную сымболіку.
Галоўнае, што мы бачым вялікую падтрымку ад гараджан, ад незнаёмых зусім людзей. Не ад актывістаў нейкіх грамадзкіх рухаў. Ідэя нашай, беларускай, сьвядомасьці знаходзіць водгук у сэрцах самых розных пакаленьняў, і мы радуемся нашай працы», — кажа Юры Казакевіч.

Прадавачка Данута Васілюк кажа, што для яе за гонар працаваць у краме


Прадавачка Данута Васілюк кажа, што для яе за гонар працаваць у краме з нацыянальнай прадукцыяй:


«Часта падыходзяць людзі і дзякуюць, што, маўляў, як клясна, што мы ў Баранавічах адчынілі такую краму. Купляюць сьцяжкі на прысосках у аўтамабілі, саколкі, кубкі, кепкі... У першы ж дзень, як адчыніліся, заходзілі па сувэніры нават госьці з Амэрыкі...»

Данута Васілюк сама апранутая ў вышыванку, і кажа, што ёй вельмі прыемна «працаваць у краме пад абаронаю бел-чырвона-белых сьцягоў».

Гандляры нацыянальнай сымболікай кажуць, што попытам карыстаюцца кубкі і саколкі

У падарунак да набытага наведнікам крамы прапануюць налепкі

Источник: www.svaboda.org

Комментарии посетителей

Имя: не обязательно
E-mail: не обязательно
Комментарий:
  • #491 10.03.2017 13:21 @ Вольга

    Не толькі проста радая, але шчасьлівая, што ў нашым горадзе з"явіўся такі магазін. Канешне, ў першую чаргу дзякуючы Юрыю Казакевічу - упартаму, мэтанакіраванаму чалавеку - адраджэнцу нашай нацыянальнай культуры і гісторыі. Вельмі багаты і цікавы асартымент рэчаў - ад дробных сувеніраў да прыгожага шляхетнага адзення - на любы густ і дастатак. Кожная прыгажуня-модніца можа зараз выглядаць экстравагантна і шыкоўна. А якія ветлівыя і дасьвечаныя прадаўцы! Так добра размаўляюць на роднай мове! Дзякую Вам, Юры! Заходзьце, гараджане! Паглядзець і купіць, парадавацца такому адметнаму кроку ў культуру нашага горада!

Последние новости