Новости Новости Беларуси

Губаревич пожаловался в прокуратуру на бездействие по фальсификациях на выборах

Губаревич пожаловался в прокуратуру на бездействие по фальсификациях на выборах

778 просмотров Минск
Председатель Движения «За Свободу», бывший кандидат в депутаты Юрий Губаревич пожаловался на отсутствие расследования дела по фактам фальсификаций на выборах в Палату представителей.

Былы кандыдат у дэпутаты па 108 Каліноўскай выбарчай акрузе Губарэвіч у верасні накіраваў скаргу ў Следчы камітэт па выніках выбараў з патрабаваннем правесці праверку і ўзбудзіць крымінальную справу па фальсіфікацыях. СК не змог прыняць рашэнне па гэтай заяве і пераправіў яго ў РАУС, міліцыя адправіла яго ў гарадскі выбаркам.

«Пры адсутнасці прычынаў для ўзбуджэння крымінальнай справы орган дазнання, следчы, пракурор выносяць матываваную пастанову аб адмове ва ўзбуджэнні крымінальнай справы, у рэзалютыўнай часткі якога выкладаецца рашэнне... са спасылкай на пункт, частку і артыкул Крымінальнага кодэкса Рэспублікі Беларусь, ва ўзбуджэнні крымінальнай справы па якіх адмаўляецца», — адзначыў Губарэвіч у скарзе ў пракуратуру і на імя кіраўніка Першамайскага раённага аддзела СК.

Паводле заканадаўства, рашэнне па ўзбуджэнню ці адмове ва ўзбуджэнні крымінальнай справы павінна быць прынятае не пазней чым за трое сутак, а пры неабходнасці дадатковай праверкі — у тэрмін да дзесяці сутак. Гэты час можа быць падоўжаны да аднаго месяца кіраўніком следчага падраздзялення ці пракурорам, а праверка па справе — да трох месяцаў.

«Праз 2,5 месяцы мной да гэтага часу не атрыманая пастанова пра ўзбуджэнне ці адмову ва ўзбуджэнні крымінальнай справы. Мне таксама не паведамілі пра працягненне тэрмінаў разгляду маёй справы», — падкрэсліў Губарэвіч.

Губарэвіч патрабуе узбудзіць крымінальную справу па фактах фальсіфікацыяў, а таксама пакараць адказнага за расследаванне, пісьмова паведаміўшы, якія падрыхтоўчыя працы былі зробленыя.

Акрамя таго, палітык звярнуўся ў Следчы камітэт за тлумачэннямі заканадаўства. Палітык просіць паведаміць, якія паўнамоцтвы ёсць у СК, калі ведамства не змагло прыняць рашэнне па заяве па фальсіфікацыях на выбарах.

«Відавочна, што паводле фактаў, прысутнічае крымінальнае злачынства», — пракаментаваў сітуацыю сайту Pyx.by Юрась Губарэвіч.

Пры гэтым, ён лічыць, што расследаванне справы можа быць даволі простым: апытанне назіральнікаў, выбаршчыкаў і зверка пратаколаў і спісаў выбаршчыкаў, каб пацвердзіць ці абвергнуць факт фальсіфікацыяў. Але, дадаў старшыня Руху, гэтага зроблена не было: Следчы камітэт не знайшоў нічога лепшага, як спусціць справу ў РАУС, а РАУС — у гарадскую выбарчую камісію.

Такі варыянт Губарэвіча не задавальняе: кажа, што «не звяртаўся ў гарадскі выбаркам, які права ўзбуджаць крымінальныя справы не мае».

«Я прайду ўсе магчымыя інстанцыі, не дам уладам замяць крадзеж галасоў маіх выбаршчыкаў», — заключыў Юрась Губарэвіч.

Автор: Ольга Быковская

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Парламентские выборы-2016

Последние новости