Новости Новости Беларуси

Толстыко призывает предпринимателей выходить на улицы во всех регионах Беларуси

Толстыко призывает предпринимателей выходить на улицы во всех регионах Беларуси

1423 просмотра Минск
Сопредседатель общественной организации «За свободное развитие предпринимательства», член Совета Движения «За Свободу» Алесь Толстыко раскритиковал митинг предпринимателей на Октябрьской площади в Минске.

Ён заявіў, што «За свабоднае разьвіцьцё прадпрымальніцтва» працуе дзеля таго, каб індывідуальныя прадпрымальнікі выйшлі на вуліцы гарадоў у рэгіёнах Беларусі.

«Гэтым разам я не прымаў удзелу ў мітынгу, дзеля таго каб паназіраць збоку, пабачыць памылкі і зрабіць зь іх высновы. Па-першае, малую колькасьць удзельнікаў, да прыкладу, давайце часткова сьпішам на надвор’е.

Па-другое, адна з найвялікшых памылак — прысутнасьць палітыкаў ці дысыдэнтаў, якія падкрэсьліваюць, што акцыю праводзяць прадпрымальнікі, але ацэнку гэтай акцыі даюць нэгатыўную. Тады альбо не хадзіце, альбо больш пазытыўна яе ацэньвайце.

Па-трэцяе, каб запрасіць на плошчу, напачатку варта было б зрабіць прэс-рэліз для журналістаў, улёткі для прадпрымальнікаў — распаўсюдзіць інфармацыю.

І не запрашаць на плошчу — гэта не сьвяткаваньне дня народзінаў ці юбілею — а запрасіць на барацьбу за свае правы, за гонар і годнасьць, дзе ў выніку будуць выстаўленыя пэўныя патрабаваньні.

І запрасіць да ўдзелу лідэраў прадпрымальніцкіх рухаў з гарадоў — ад абласнога цэнтру да невялічкага пасёлку — каб паказаць, што гэты рух у рэгіёнах ёсьць і ён салідарны.

Такая сустрэча павінна выпрацаваць канкрэтнае патрабаваньне. І калі вы не гатовыя выйсьці і адстойваць сваё права, то на плошчы будуць зьбірацца толькі сябры, якіх запрашаюць. А на што запрашаюць — невядома.

„За свабоднае разьвіцьцё прадпрымальніцтва“ чакае якім вынікам скончацца чарговыя перамовы ў працоўнай групе пры Міністэрстве эканомікі, якія маюць адбыцца гэтымі днямі. У выпадку адсутнасьці вынікаў зможам дачакацца буйных выступаў прадпрымальнікаў у гарадах і райцэнтрах краіны. Бо бясконца гайкі закручваць нельга».

Галіна Абакунчык

Источник: www.svaboda.org

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости