Новости Новости Беларуси

Минчане не дали задержать активиста Движения «За Свободу»

Минчане не дали задержать активиста Движения «За Свободу»

2907 просмотров Минск
Жители Минска и болельщики Чемпионата мира по хоккею сегодня ночью не дали задержать активиста Движения «За Свободу» Никиту Семененко.

«Ноччу на фан-зоне на Нямізе (у цэнтры Мінску) адбылося некалькі боек паміж расійскімі заўзятарамі і беларусамі. Пасля гэтага туды прыбылі прыкладна 15 чалавек АМАПу, удзельнікі бойкі да гэтага часу паспелі разбегчыся хто куды. І міліцыянты пачалі глядзець на людзей, якія стаялі побач», — распавёў сайту Pyx.by Мікіта Семяненка.

Па ягоных словах, ён і яшчэ некалькі чалавек увесь гэты час стаялі і размаўлялі з хлапцамі з Докшыцаў пра беларускую мову. «Міліцыянты правялі праверку дакумантаў ва ўсіх нас. Потым узялі мае, перапісалі ўсе дадзеныя. Потым кажуць, хадзем з намі», — дадаў актывіст.

Калі ён запытаўся, за што яго затрымліваюць, то атрымаў супрацьлеглыя адказы. «Першы амапавец кажа, мы цябе не затрымліваем. Другі, што затрымліваем па артыкуле 17.1 КоАП (дробнае хуліганства) за тое, што ты мацюкаўся. А трэці — пойдзем паразмаўляем», — распавёў Семяненка.

Але людзі, па ягоных словах, сказалі: «Не таго затрымліваеце». І хаця ім прыгразілі, што, калі яны не супакояцца, то таксама паедуць з міліцыяй, але падышло яшчэ больш народу. «Яшчэ адзін хлапец патлумачыў, дзе, хто знаходзіўся, што я не меў адносінаў да бойкі», — дадаў моладзевы актывіст.

Па ягоных падліках, падышлі яго абараняць больш за дзесяць чалавек, абсалютна да гэтага часу яму незнаёмыя. А самі «разборкі» цягнуліся блізу гадзіны, за якія міліцыянеры правяралі дакументы і лаяліся...

«Падчас спробы затрыманьня, амапаўцы шматразова казалі: „Х*ли ты вы**ваешься, говори нормально“. Калі я мовіў, што амапаўцы, як прадстаўнікі ўлады, мусяць адказваць мне на мове звароту, яны заявілі: „Забираем его, на *уй“», — дадаў актывіст Руху «За Свабоду».

Потым супрацоўнікі міліцыі вярнулі яму дакуманты і сказалі, каб на гэтай фан-зоне яго больш не бачылі.

«Дзякую, што шляхам ціску беларускіх грамадзянаў, што часам любяць пабалакаць па- беларуску, атрымалася вярнуць мае дакумэнты й вызваліць з-пад варты», — заключыў Мікіта Семяненка.

Нагадаем, што актывіст Руху «За Свабоду» Мікіта Семяненка прымаў удзел у кампаніі па выбарах дэпутатаў мясцовых саветаў. Пасля гэтага ён быў адлічаны з факультэту журналістыкі Беларускага дзяржаўнага ўніверсітэту. Ён падкрэсліў, што яго адлічылі за грамадскую актыўнасць.

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости