Новости Аналитика

Логвинец: Москва платит Януковичу за отказ от евроинтеграции

Логвинец: Москва платит Януковичу за отказ от евроинтеграции

1436 просмотров
По каким причинам руководство России решило снизить цену на газ для Украины и потратить 15 миллиардов долларов на украинские ценные бумаги?

 Як удзельнікі Майдану ў Кіеве могуць адрэагаваць на гэтыя зьвесткі і як вынікі перамоваў у Маскве паўплываюць на ўнутрыпалітычную сытуацыю ва Ўкраіне? На гэтыя пытаньні адказвае беларускі палітоляг, намеснік старшыні Руху "За Свабоду" Алесь Лагвінец.

- Чаму Расея пайшла на такі беспрэцэдэнтны крок? Як можа зьмяніцца сытуацыя ва Ўкраіне і геапалітычны расклад у выніку сёньняшніх пагадненьняў у Маскве?

- Гэта сьведчыць пра тое, што сапраўды раней былі дасягнутыя патаемныя пагадненьні паміж Пуціным і Януковічам і цяпер Масква, па сутнасьці плаціць за адмову Януковіча падпісваць пагадненьне аб асацыяцыі з Эўразьвязам. Масква чарговы раз дэманструе, што гатовая плаціць даволі высокую цану за аднаўленьне сваёй сфэры ўплыву, каб краіны СНД не ўдзельнічала ў альтэрнатыўных геапалітычных праектах.

Вядома, Масква выступае таксама за тое, каб цяперашняя ўлада ва Ўкраіне захоўвала сваё панаваньне. Крамлю прасьцей дамаўляцца з аслабленай аўтарытарнай уладай, чым будаваць адносіны на празрыстых эканамічных рэйках. Атрымліваецца, што Расеі з 88 мільярдаў з фонду нацыянальнага дабрабыту 15 мільярдаў выдаткоўвае на тое, каб утрымліваць Украіну ў сваёй арбіце. Курс на аднаўленьне неаімпэрыі Расея абвясьціла даволі даўно, і цяпер яна выкарыстоўвае свой асноўны аргумэнт — цэны на газ і нафту.

Мы гэта бачылі ў выпадку Беларусі, якая ў Эўропе мае самы нізкі кошт на газ.Украіна пасьля завышанага кошту цяпер атрымлівае на траціну меншы, і гэта ёсьць выратаваньнем для сёньняшняй улады, якая давяла сытуацыю да моцнага эканамічнага крызісу.

- Як удзельнікі Майдану ў Кіеве могуць адрэагаваць на вынікі перамоваў у Маскве? Ці можна чакаць, што цяпер галоўным і адзіным лёзунгам пратэстоўцаў стане адстаўка Януковіча?

- Зразумела, што такая навіна дадасьць напружанасьці ва ўнутранай украінскай сытуацыі. Вядома, што людзі на Майдане мелі вялікія падставы не давяраць Януковічу. Сёньня гэтыя перасьцярогі спраўджваюцца.

Можна чакаць, што ў бліжэйшыя тыдзень-два напружанасьць вырасьце. Хаця складана прагназаваць, у які бок павернецца сытуацыя. Бо, маючы такі падарунак ад Расеі, Януковіч можа «набываць» ляяльнасьць пэўных слаёў насельніцтва. Важна тое, як сустрэне Кіеў вяртаньне Януковіча ва Ўкраіну. //Радыё "Свабода"

Комментарии посетителей

Имя: не обязательно
E-mail: не обязательно
Комментарий:
    список комментариев пуст

Последние новости